Navigation Path: Home > The European Central Bank > L-ewwel għaxar snin

L-ewwel għaxar snin

1998		1999		2000	2001	2002	2003	2004	2005	2006	2007	2008		2009	2010	2011	2012	2013	2014	2015	2016	...

	Twaqqif tal-BĊE (1 ta' Ġunju 1998)												L-10 anniversarju tal-BĊE (1 ta' Ġunju 2008)
			L-introduzzjoni ta’ l-euro (1 ta' Jannar 1999)											L-10 anniversarju ta' l-euro (1 ta' Jannar 2009)
						L-introduzzjoni tal-karti tal-flus u l-muniti ta’ l-euro (1 ta' Jannar 2002)

1998		1999		2000	2001	2002	2003	2004	2005	2006	2007	2008		2009	2010	2011	2012	2013	2014	2015	2016	...

L-10 anniversarju ta' l-euro u ta' l-Eurosistema

L-1 ta' Jannar 2009 ikun l-10 anniversarju ta' l-euro u ta' l-Eurosistema. Eżattament għaxar snin qabel

ġie introdott l-euro, l-ewwel bħala mezz ta' pagament elettroniku (il-karti tal-flus u l-muniti daħlu fiċ-ċirkolazzjoni fl-2002),
il-BĊE u l-banek ċentrali ta' dawk il-pajjiżi ta' l-UE li adottaw l-euro ngħaqdu biex ħolqu l-"Eurosistema", u
l-awtorità monetarja għall-munita l-ġdida ġiet trasferita lill-Kunsill Governattiv tal-BĊE.

Illum, il-munita unika tintuża f'żona li tkopri medda li minn Ċipru tasal sa l-Irlanda u mill-Portugall tasal sal-Finlandja. Iżjed minn nofs l-Istati Membri ta' l-UE diġà adottaw l-euro.

Logos ta' l-anniversarju

Għaċ-ċelebrazzjoni tat-tliet anniversarji, inħoloq logo bi tliet varjanti. Dan jgħaqqad l-element viżiv ma'

"Bank Ċentrali Ewropew",
"Eurosistema", jew
"Sistema Ewropea ta’ Banek Ċentrali",

u l-kitba "L-ewwel għaxar snin".

L-element viżiv fih it-12-il stilla tal-bandiera ta' l-Unjoni Ewropea f'ċirku inklinat, u parzjalment fuqu hemm in-numru "10" kif jidher fuq in-naħa ta' quddiem tal-karta tal-flus ta' l-€10.

1 ta' Ġunju 1998: it-twaqqif tal-BĊE

Il-BĊE twaqqaf fl-1 ta' Ġunju 1998. B'hekk kellu seba' xhur biex iħejji għad-dmirijiet il-ġodda, li kienu

is-sostituzzjoni tal-muniti ta' grupp ta' stati sovrani b'munita unika, u
it-tfassil ta' politika monetarja għaż-żona l-ġdida ta' l-euro.

Minn dak iż-żmien, il-BĊE, bħala l-kaptan tat-tim ta' l-Eurosistema - is-sistema ta' banek ċentrali taż-żona ta' l-euro - baqa' jmexxi l-politika monetarja għall-pajjiżi fi ħdan l-unjoni monetarja. L-għan ewlieni tiegħu hu l-istabbiltà tal-prezzijiet fuq żmien medju, għax il-prezzijiet stabbli huma l-bażi għat-tkabbir ekonomiku sostenibbli u għar-riżq fl-Ewropa.

Fl-1 ta' Ġunju 1998 twaqqfet ukoll is-"Sistema Ewropea ta' Banek Ċentrali", il-qafas istituzzjonali magħmul mill-BĊE u mill-banek ċentrali ta' l-Istati Membri kollha ta' l-UE.

Ġrajjiet ta' l-anniversarju

L-anniversarju tal-BĊE fl-2008 ġie ċċelebrat permezz ta' ġrajjiet diversi, li kienu jinkludu:

13-14 ta' Novembru (għall-mistednin biss): il-5 Konferenza tal-BĊE għall-Banek Ċentrali - lezzjonijiet u sfidi ta' għaxar snin ta' Unjoni Ekonomika u Monetarja
2 ta' Ġunju: iċ- ċerimonja uffiċjali, li għaliha attendew għadd ta' politiċi ta' livell għoli
1 ta' Ġunju: Jum għaż-Żjarat fil-bini tal-BĊE, il-Eurotower

lura għall-bidu

Cross-navigation Menu

Publications

Special edition of the ECB Monthly Bulletin, 2.2 MB

Founding fathers on the future of Europe

Transcript of the discussion